"Айыртау ауданы білім саласының қызметкеркерлері кәсіподақ ұйымы" мен "Айыртау ауданы білім бөлімі" ұйымдастыруымен салауатты өмір салтын ұстану, жалпыға бірдей спортты дамыту мақсатында сәуір айының 22-сі күні мектеп мұғалімдері мен мектеп қызметкерлері арасында "ҰСТАЗ-2023" спорттық сайыс өтті. Спорттың волейбол, үстел теннисі, бес асық, асық ату, дартс сынды 5 түрінен болған тартыста топ жарып, жеңіс тұғырының биігі 1-орынды жеңіп алған әріптестерімізді құттықтаймыз.

Дене шынықтыру пәні мұғалімі, команда капитаны Еділ Досымбекұлы асық ату жарысы, Мектеп директоры Меңдігүл Олжабайқызы дартс сайысы, логапед-мұғалім Марал Рүстемқызы мен музыка пәні мұғалімі Наурызбай Талғатбекұлы үстел теннисіне, ағылшын пәні мұғалімі Аружан Мирасқызы бес асық сайысына қатысса, тартысты өткен волейбол жарысына Меңдігүл Олжабайқызы, Еділ Досымбекұлы, Арман Көсембайұлы, Марал Рүстемқызы, Сандуғаш Таңатарқызы, Азамат Жанатұлы және Рахат Қайратұлы қатысты. Спортшыларымызқа жігерлеріңіз жанып, әрдайым жеңісті қолдан бермеңіздер дегіміз келеді.