"Дарынды балаларға-талантты ұстаз" республикалық педагогикалық олимпиадасының облыстық кезеңінде екінші орын иегері атанған - Сабитова Сания Думанқызы. Оның ұстанған ең басты мақсаты:оқушылардың тарих пəніне деген қызығушылығын жаңа технологиялар арқылы дамыту,ақпараттық технологияны пайдалана білуге баулу,оқушылардың танымдық қабілетін арттыру жəне білімге деген құштарлығын ояту. Мұғалімдер арасында өткен бұл сайыс 3 кезеңнен тұрды,біздің мақтан тұтар ұстазымыз əрбір кезеңнен сүрінбей өтіп,өзін лайықты дәрежеде көрсетті! Бүгінгі таңда дүние жүзінде білімнің əлеуметтік рөлі артып,адамның болашағы оның алған білімінің сапасына,ойлау деңгейіне байланысты болып отыр. Осы тұрғыда жаңа технологияның тиімді əдіс-тәсілдерін жас ұрпақтың бойына сіңіре отырып қоршаған ортаны қорғауға,салауатты өмір салтына тәрбиелеу-ұстаздардың басты міндеті болмақ. Ол үшін əрбір ұстаз үнемі шеберлігін арттыруда. Ұстаз-жүректің жылулығын,мейірімнің шуағын, адамгершіліктің ұлылығын біліммен қоса бала бойына дарыта алатын тұлға.