"CITY MALL" сауда орталығында өткен АБАЙ ҚҰНАНБАЙҰЛЫНЫҢ 175 жылдық мерейтойына арналған "ҰЛЫ АБАЙДЫҢ ШӘКІРТТЕРІ" атты концерттік бағдарлама*

Бүгін 7.02.2020ж. күні қаламыздың "CITY MALL" сауда орталығында ғұлама, ойшыл, ағартушы, аудармашы, ақынымыз Абай Құнанбайұылының 175 жылдық мерейтойына орай Қазақ мектеп-гимназиясы ұжымы арнайы концерттік бағдарлама ұйымдастырды. Жиылған дүйім жұрт зор қызығушылық танытып бірден назарлары қазақтың қара домбырасының үніне ауды. Бұл іс-шараның мақсаты да осы болатын. Ақынның өлеңдері мен қара сөздеріндегі ұлт болмысын,тұрмыс - тіршілігін зерделеп, қала жұртымен мектеп оқушыларына Абай мұрасын насихаттау. Игі іс-шарада оқушылар, ұстаздар және жиналған қауым ақынның өлеңдері мен әндерін, қара сөздерін орындап, көрермендерге Абай өлеңдері жазылған кітапшалар мен басқа да сыйлықтар табыс етілді. Бұл іс-шара алдағы уақытта да өз жалғасын таппақ.