LESSON STUDY: ӨҢІРЛІК ТӘЖІРИБЕ ЖӘНЕ ДАМУ ПЕРСПЕКТИВАЛАРЫ

LESSON STUDY: ӨҢІРЛІК ТӘЖІРИБЕ ЖӘНЕ ДАМУ ПЕРСПЕКТИВАЛАРЫ

2026 жылғы 22 қазанда Солтүстік Қазақстан облысының педагогтерін кәсіби диалог, тәжірибе алмасу және білім беру сапасын арттырудағы зерттеу тәсілінің мүмкіндіктерін талқылау мақсатында біріктірген «Lesson Study: өңірлік тәжірибе және даму перспективалары» атты облыстық онлайн-педагогикалық конференция өтті.

Қатысушылардың назарында «Әдістемелік бірлестіктер жұмысындағы Lesson Study: тәжірибе алмасу және білім алушы педагогтер қауымдастығын қалыптастыру» тақырыбы болды. Конференция барысында педагогтер Lesson Study тәсілін сабақты жоспарлау, оқыту мен бағалауды жетілдіру, мұғалімдердің кәсіби өзара іс-қимылын дамыту және білім алушы педагогтер қауымдастығын қалыптастыру мақсатында қолдану тәжірибелерімен бөлісті.

Конференция жұмысы төрт секциялық алаңда ұйымдастырылды. Баяндамаларда оқушылардың оқу және функционалдық сауаттылығын дамыту, оқытуды даралау және саралау, оқу мотивациясы мен белсенділігін арттыру, коммуникативтік дағдылар мен Soft Skills дамыту, цифрлық құралдарды қолдану, сабақты зерттеу және пәндік мазмұнды кіріктіру мәселелері қамтылды.

Lesson Study тәсілінің практикалық нәтижелеріне ерекше назар аударылды. Атап айтқанда, оқушылардың оқу әрекетін талдау, тиімді педагогикалық шешімдерді анықтау, кәсіби мәселелерді бірлесіп шешу және табысты тәжірибені тарату жолдары қарастырылды. Ұсынылған материалдар Lesson Study педагогтердің кәсіби өсуіне және мектеп ұжымдарындағы ынтымақтастықты нығайтуға ықпал ететін пәрменді құралға айналып келе жатқанын көрсетті.

Конференция мұғалімдер, мектеп басшылары мен әдіскерлер арасында мазмұнды тәжірибе алмасуға мүмкіндік берген кәсіби алаң болды. Мұндай кездесулер үздік тәжірибелерді таныстырып қана қоймай, әрбір оқушының білім сапасын арттыруға бағытталған бірлескен жұмыстың жаңа бағыттарын айқындауға жол ашады.

Кәсіби ашықтықтары, белсенділіктері және үздіксіз дамуға деген ұмтылыстары үшін баяндамашыларға, модераторларға және барлық қатысушыларға алғыс білдіреміз! Сабақты бірге зерттейік — оқушылардың оқу қажеттіліктерін тереңірек түсініп, білім беру нәтижелеріне қол жеткізудің тиімді жолдарын табу үшін!

Жаңалықты мекеменің сайтында қарау

Жаңалықтар тізіміне көшу

Пікірлер